Ndryshime në arsim, inteligjenca artificiale në ndihmë të fëmijëve

Arsimi në Shqipëri do të ndryshojë rrenjësisht, në një periudhë 5 vjeçare. Inteligjenca artificiale pritet të bëhet pjesë e kurrikulës shkollore dhe praktikave të përditshme të mësimdhënies.

Ministria e Arsimit dhe Sportit ka publikuar për konsultim publik Planin e Veprimit për Arsimin Digjital 2025–2030, i cili synon të transformojë sistemin arsimor duke e përafruar me standardet e Bashkimit Evropian.

Dokumenti thekson se përdorimi i inteligjencës artificiale do t’i japë fund modelit klasik “një mësim për të gjithë”. Përmbajtja mësimore do të përshtatet sipas ritmit, nevojave dhe stilit individual të çdo nxënësi. Kjo pritet të krijojë mundësi të reja për përfshirjen e të gjithë fëmijëve, duke rritur cilësinë dhe efektivitetin e arsimit.

Në këtë proces, pas nuk mbeten as mësuesitt. Plani parashikon trajnimin e 16 mijë mësuesve në aftësi digjitale dhe përdorimin e IA në klasë. Trajnimet do të jenë të detyrueshme dhe të mbështetura me paketa individuale ndihmëse, ndërsa kompetencat digjitale të arsimtarëve do të rishikohen periodikisht për të siguruar cilësi dhe përditësim të vazhdueshëm.

Qeveria ka vënë në dispozicion 5.5 miliardë lekë për modernizimin e infrastrukturës. Deri në vitin 2027 do të ngrihen 654 laboratorë Smart në 615 shkolla, do të blihen 5,500 laptopë për mësuesit e gjimnazeve, dhe 95% e shkollave publike do të lidhen me internet me shpejtësi të lartë. Ndërkohë, për pilotimin e përdorimit të IA në mësimdhënie janë parashikuar 32 milionë lekë.

Megjithatë përdorimi I IA, nuk do të jetë dhe aq i lehtë. Pasi gjithashtu parashikohen disa rregulla, për të mos dëmtuar fëmijët. Plani i veprimit parashikon hartimin e udhëzimeve të qarta për përdorimin e inteligjencës artificiale në mënyrë etike, të përgjegjshme dhe efektive, duke u mbështetur në sugjerimet e UNESCO-s për një konsensus global mbi IA dhe arsimin.

LEXONI GJITHASHTU:

• Fermeri kolumbian zbulon 600 mln $ të Pablo Escobar të varrosura në tokën e tij
• Lavrov: Rubios i pëlqeu pulovra e tij me mbishkrimin “BRSS” në samitin e Alaskës