Ndryshime në strukturat e Policisë së Shtetit, cilat janë komisariatet që preken

Nesër, më 1 qershor do të hyjnë në fuqi ndryshimet në strukturat policore.

Komisariati i policisë së Kavajës do t’i kalojë në varësi Drejtorisë së Policisë së Durrësit, ndërsa  komisariati i policisë së Vorës dhe Krujës do t’i kalojë Drejtorisë së Policisë së Tiranës.

Këto ndryshime lidhen me kohën e ndërhyrjes në ngjarje të ndryshime dhe për arsye të afërsisë territoriale.

Komisariati i Vorës do të njihet ndryshe si komisariati nr.7 ndërsa Kruja si komisariati nr.8. Burime për Euronews Albania pohojnë se nuk pritet të ketë ndonjë ndryshim në strukturat drejtuese në komisariatet që preken.

Ndryshime pritet të ketë edhe nëpër komisariate dhe mënyrën e funksionimit.

Policia Kriminale do të fokusohet vetëm në krimet e rënda ndërsa një sektor tjetër më i vogël do të hetojë krimet më të lehta.

LEXONI GJITHASHTU:

• Kreu i Ujësjellës Kanalizimeve në Shkodër: Shoqërimi në polici ishte politik
• Shoqërohet në polici drejtori i Ujësjellës Kanalizimeve në Shkodër