Ndryshimet në qeveri, Iljazaj: Pse ministrat e rinj s’janë teknokratë por burokratë

Analisti Ervis Iljazaj ka komentuar ndryshimet në qeveri, ku u vendosën 7 ministra të rinj.

I ftuar në emisionin “Now” në Euronews Albania, ai tha se nuk ka ndryshuar asgjë ndërsa shtoi se kjo që po bën kryeministri Edi Rama, quhet burokraci partiake.

Ai nënvizoi se Rama sa herë që i duhen njerëz i merr ne administratën publike dhe i vendos në qeveri.

“Nuk ka ndonjë gjë të re në thelb. Për mua Rama  në këto 10 vite na ka mësuar me një tipologji ministri që bë shkencat politike, quhet burokratët partiakë, që partia i merr sa herë duhet në administratën publike dhe i vendos në qeveri. Janë njerëz që nuk kanë ambicie politike, por janë disa burokratë që vijnë nga administrata që vendosen aty sepse nuk prishin punë. Nuk janë teknokratë, por burokratë. Unë nuk di asnjë mendim të ministrave të rinj, nuk di asnjë mendim ekonomik të personit që ëshrë bërë ministër i Financave”- tha ai.

LEXONI GJITHASHTU:

• “Rama do ndihmojë SPAK”, avokati Ngjela: Ishte i drejtpërdrejtë, por jo i qetë
• Ndryshimet në kabinet/ Krashi: Vetëm 1 njoh, ministrat të vinin nga politika aktive