Në fundjavë priten 7 mijë pasagjerë, tragetet Durrës-Bari nisin lundrimet e 2-fishta

Nga mëngjesi i sotëm, për të përballuar fluksin në hyrje të pasagjerëve, tragetet e linjës Durrës-Bari dhe anasjelltas kanë nisur lundrimet e dyfishta.

Rreth 1800 pasagjerë kanë mbërritur me dy tragete të nisura nga Bari, mëngjesin e së enjtes, ndërsa në mbrëmje priten 2 tragete të tjera.

Sipas kapitenit të portit të Durrësit, Tauland Allka, fluksi më i madh do të regjistrohet në fundjavë, kur në portin më të madh në vend parashikohet të mbërrijnë rreth 7000 pasagjerë.

Për të përballuar fluksin në hyrje të emigrantëve që kthehen në atdhe për të kaluar pushimet, autoritetet portuale kanë shtuar numrin e sporteleve si dhe po aplikojnë masa shtesë për shërbimet e ofruara në Terminalin e Trageteve.

LEXONI GJITHASHTU:

• Porti i Durrësit shkon në Kushtetuese, nesër shqyrtohet padia për Parkun e Butrintit
• Porti i Durrësit, Alabbar tregon pse vendosi të investojë në Shqipëri