“Në pranga për dëshmi të rreme”, Spahiu: Skenari pas gjyqit të ish-liderëve të UÇK

Juristi Kreshnik Spahiu tha në “Now me Erla Mëhillin” se arsyeja pse po zgjatet kaq shumë gjyqi ndaj ish-liderëve të UÇK-së lidhet me faktin që prokuroria nuk gjen qëndrueshmëri në akuzat e dëshmitarëve.

Për këtë arsye, sipas tij në fund të këtij procesi do të bien në pranga për dëshmi të rreme shumë nga dëshmitarët.

“E gjithë strategjia e Prokurorisë Speciale është ndërtuar mbi 3 themele, e para mbi 314 dëshmi, e dyta mbi vetë thëniet kontradiktore të liderëve të UÇK-së dhe e treta mbi disa ballafaqime që provojnë rolin hierarkik të udhëheqjes së UÇK-së,” – shtjelloi Spahiu.

Ai ngriti gjithashtu dy pyetje mbi të cilat rrotullohet e gjithë situata e Thaçit, Veselit, Selimit dhe Krasniqit.

“A ka të vrarë shqiptarë me ekzekutorë shqiptarë? Po, ka.

A janë vrarë këta nga 4 liderët e UÇK-së? Nuk ka asnjë provë të bazuar dhe të qëndrueshme deri më sot që të gjithë këta dhjetëra e qindra shqiptarë të jenë vrarë apo ekzekutuar me urdhër të drejtpërdrejtë të 4 liderëve që sot janë në bangën e të akuzuarëve”.

LEXONI GJITHASHTU:

• Kreshnik Spahiu: Berisha largohet nga politika pas humbjes në 2025
• Spahiu: Hashim Thaçi mbahet në burg që Europa të joshë Vuçiç dhe Serbinë