Komunikimi mësues-nxënës në Serbi përmes platformës Viber

Lumturije Limani, shqiptare që jeton në Preshëvë në Serbi, tregon se mësimi online është zhvilluar njësoj si në Shqipëri, përmes rrjeteve sociale.

“Kishim krijuar një grup në Viber, e gjithë klasa, nxënësit bashkë me mësuesit edhe nga ana e prindërve nëse donin të merrnin pjesë. Kur ka pasur paqartësi mësuesja patjetër që ka dhënë sqarime, por prapë nuk ka qenë efekti i njëjtë sikurse ishte në klasë”, u shpreh znj.Limani.

Ajo shtoi se fakti që nuk kishte mundësi të konsultohej me mësuesen, ka shkaktuar mangësi për djalin e tij që sivjet shkon në klasë të katërt.

“Sidomos në disa lëndë si matematika dhe gjuha, u krijuan mangësi të shumta”, u shpreh ajo.

Por as për vetë Lumturijen periudha e mësimit online nuk ka qenë e lehtë. Me profesion gazetare, Lumturija pasi mbërrinte në shtëpi, niste një punë tjetër, atë të mësueses.

LEXONI GJITHASHTU:

• Rrjetet sociale, një nga mënyrat ku nxënësit morën njohuritë gjatë mësimit online
• Mangësitë nga mësimi në pandemi, boshllëqe për të gjithë nxënësit
• “Është shkelur ligji”, mësimi plotësues përplas ekspertin e arsimit me drejtoreshën e “Qemal Stafës”