“Në Tik-Tok bullizmi më prezent se në rrjetet e tjera”, Dine: Përse s’duhet lejuar

Vetëvrasja e 41-vjeçares Bedrie Loka në Durrës është kryefjalë e mediave prej ditës së djeshme, ku nga ngjarja shumë qytetarë shprehen të shqetësuar.

Psikologia Borjana Dine në një lidhje të drejtpërdrejt për Euronews Albania është shprehur se në vitin 2023 është rritur gjuha e urrejtjes dhe bullizmit.

Ajo theksoi se ‘Tik Tok’ është një shqetësim që duhet të ngrihet në nivel kombëtar.

“Jemi një katastrofë e vërtetë, në vitin 2024 do të bëjmë  të gjithë raportin tonë të vitit 2023, të një viti të plotë. Nga informacionet që kemi mund të themi se gjuha e urrejtjes e bullizmit përmbajnë format kryesore të dhunës online. Përgjithësisht është “Tik Tok” ai që përmban numrin më të lartë të çdo raportimi.

Jam kundër përdorimit të ‘Tik Tok’ sepse shfaq vetëm arrogancë dhe një elementë jo fortë pozitiv në shoqërinë tonë. Fakti se kemi një humbje jete na tregon shumë mirë që ‘Tik Tok’ dhe dhuna online është një prioritet në nivel kombëtar. Kjo është një këmbanë alarmi për të gjithë ne”-tha ajo.

LEXONI GJITHASHTU: 

• Dita e ujit të bekuar, hidhet kryqi në Korçë, kapet nga 24-vjeçari
• Biden për Trump: Është i gatshëm të sakrifikojë demokracinë për pushtetin