Nën arrest shtëpie, del video e Berishës duke u ajrosur në tarracën e pallatit

Ish-kryeministri Sali Berisha ndodhet që prej datës 30 dhjetor në “Arrest shtëpie”, me mbikqyrje policore.

Teksa i ndalohet dalja nga banesa, Berisha ka zgjedhur tarracën e banesës së tij për t’u ajrosur dhe për të marrë rreze dielli.

Në një video të siguruar nga Euronews Albania, Berisha, shihet duke kryer ecje në ambientet e ballkonit që është në katin e fundit të pallatit ku ai banon në rrugën “Mustafa Matohiti”.

Sipas vendimit të GJKKO Sali Berisha nuk duhet të largohet nga banesa e tij, si dhe nuk duhet të komunikojë me persona të tjerë përveç atyre që bashkëjetojnë në të njëjtën shtëpi me të.

Për ekzekutimin e këtij vendimi është ngarkuar Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.