Nënkryetarja e Komisionit të Ekonomisë: Qeveria të ulë taksat për prodhuesit e bukës, të krijohen rezerva mielli

Nënkryetarja e Komisionit të Ekonomisë dhe njëkohësisht deputetja e PD-së, Sorina Koti deklaroi për Euronews Albania se duhet të ketë çmime dysheme dhe tavan për bukën, energjinë elektrike dhe naftën.

Znj. Kota theksoi qeveria duhet të zhvillojë një mbledhje me grupet e interesit dhe të fillojë negociatat se deri ku mund të shkojë çmimi i bukës apo miellit.

Ajo sqaroi se Shqipëria importon pjesën më të madhe miellit dhe qeveria duhet të krijojë rezerva shtetërore por edhe private, në mënyrë që të mos ketë rritje çmimesh.

Deputetja përmendi edhe uljen e taksave tek prodhuesit e bukës.

“Duhet të hiqet TVSH-ja për importin e grurit, të miellit dhe për çmimin e bukës dhe një TVSH e përshkallëzuar për nënproduktet e bukës”, përfundoi ajo.

LEXONI GJITHASHTU:

• Rritja e çmimit të bukës, efekt zinxhir nga shtrenjtimi i miellit, thonë prodhuesit
• Rritet me 10 lekë çmimi i bukës, qytetarët: Nuk e përballojmë dot
• 20 milionë ton grurë më pak, ndryshimet klimatike ndikuan te prodhimi, thotë eksperti