Nënshkruhet marrëveshja Shqipëri-Itali-Emiratet Arabe për linjë interkonjeksioni

Në kuadër të Javës së Qëndrueshmërisë në Abu Dhabi, drejtuesit e qeverive në Shqipëri, Itali dhe Emiratet e Bashkuara Arabe, kanë nënshkruar një dokument për ndërlidhjen energjetike mes Shqipërisë dhe Italisë.

Marrëveshja synon ngritjen infrastrukturës për transportimin e energjisë së rinovueshme nga Shqipëria drejt Italisë, përmes një kablli nënujor në detin Adriatik. Projekti zhvillon, jo vetëm ndërlidhjen energjetike mes dy brigjeve të Adriatikut, por hap edhe rrugën për një bashkëpunim të thelluar mes Italisë, Shqipërisë dhe Emirateve të Bashkuara Arabe në sektorin e energjisë së gjelbër.

Marrëveshja u nënshkrua nga zv/kryeministrja dhe Ministrja e Infrastrukturës dhe Energjisë Belinda Balluku.

Gjatë fjalës së tij në Samit, Kryeministri tha se marrëveshja do të shërbejë për të rritur kapacitetin e Shqipërisë si një lojtar kyç në rajon, mbështetur në prodhimin e saj me 100 % energji të ripërtëritshme.

Në ceremoninë e nënshkrimit ishin të pranishëm Kryeministri Edi Rama, Kryeministrja e Italisë Giorgia Meloni, Presidenti i Emirateve të Bashkuara Arabe Sheikh Mohamed bin Zayed, si dhe përfaqësues të qeverive të vendeve përkatëse.

LEXONI GJITHASHTU:

• Rama: Nuk la akuzë pa fabrikuar ndaj meje, i kam fituar të gjitha gjyqet me Berishën
• “Kërcënim urgjent në 2025”, çfarë thonë liderët botërorë për konfliktin e armatosur