Nga Anglia në Shqipëri, Topalli: Si nisi gjakmarrja mes Hoxhajve dhe Lleshajve
Gazetarja Aida Topalli ka analizuar në një rend kronologjik të gjithë ngjarjet që erdhën për shkak të gjakmarrjes mes fiseve Hoxha dhe Lleshi, ku së fundmi, SPAK zbardhi vrasjen e Klevis Lleshit i cili u vra në vitin 2020.
Gazetarja Topalli e ka cilësuar këtë përplasje mes dy fiseve si një hakmarrje tipike e gjakmarrjes së egër.
“Agim Hoxha kishte një vëlla më të vogël, Aurel Hoxhën. Në vitin 2012, i vëllai u betua se do të shkrinte të gjitha paratë që do fitonte pra do bëhej i pasur, dhe të gjithë pasurinë e tij do ta shkrinte për të shuar të gjithë burrat e fisit Lleshi.
Sot në vitin 2025, në fisin Lleshi të paktën të afërt të Arben Lleshit nuk ka më. Pjesa tjetër e fisit ka mundësi të jetë shpërngulur për shkak të frikës së gjakmarrjes. Në brezin e parë dhe të dytë, pra dy vëllezërit e Arben Lleshit dhe dy nipërit e tij janë vrarë dhe zhdukur.
Xhavit Lleshi u vra vetëm një vit pas vrasjes së Agim Hoxhës. Disa vite më vonë, u vra dhe vëllai tjetër në derë të shtëpisë, Hajredin Lleshi.
U zhduk në vitin 2020 Klevis Lleshi, djali i Xhavit Lleshit. Ndërsa në vitin 2017, u zhduk dhe ende sot e kësaj dite nuk dihet asagjë për fatin e tij, Artan Lleshi, djali i Hajredin Lleshit.
Dy vite më parë u vra në burgun e Peqinit Arben Lleshi, nga i dënuari Sokol Mjacaj. Të gjithë burrat e afërt të Arben Lleshit janë ekzekutuar. E gjithë kjo për shkak të një përplasje që nisi në Angli dhe më pas solli gjithë ngjarjet”, tha gazetarja Aida Topalli.
LEXONI GJITHASHTU:
Ujërat e zeza ndotin plazhin në Shkëmbin e Kavajës, pushuesit kërkojnë ndërhyrje
Matura Shtetërore 2026, më shumë nota 10 dhe më pak ngelës në Matematikë
I moshuari dhunon gruan në Pogradec, vihet në pranga. 73-vjeçarja në gjendje të rëndë niset drejt spitalit të Traumës
- 18:03 Zyrtari amerikan: Dronët iranianë nuk i arritën objektivat e tyre
- 17:58 Ujërat e zeza ndotin plazhin në Shkëmbin e Kavajës, pushuesit kërkojnë ndërhyrje
- 17:48 Temperaturat e larta, paralajmërimi i ekspertëve: Nxehtësia ekstreme rrit rrezikun për shëndetin mendor
- 17:45 41.5 gradë Celsius, Gjermania regjistron temperaturën më të lartë të të gjitha kohërave
- 17:42 Matura Shtetërore 2026, më shumë nota 10 dhe më pak ngelës në Matematikë
- 17:37 OKB vlerëson: Rreth 7 milionë njerëz janë prekur nga tërmetet shkatërruese në Venezuelë