“Nga Otranto në Vlorë me not”,- Eva Buzo ndërpret garën, rrëfen eksperiencën e saj

Eva Buzo, notarja shqiptare e cila vendosi të thyente rekord duke notuar nga Otranto në Vlorë, ndërpre sfidën për arsye shëndetësore. Në një rrëfim për Euronews Albania ajo flet për eksperiencën e saj.

Eva Buzo ,35-vjeçarja shqiptare nga Australia notoi për 28 orë nga Italia në Vlorë , ndërsa kushtet shëndetësore si pasojë e vështirësive në det e ndaluan sfidën e saj vetëm pak milje larg Sazanit. Pas disa orësh në reanimacionin e spitalit rajonal të Vlorës , Eva në një intervistë për euronews tha se sfidën e kishte fituar, ndërsa foli për këtë eksperiencë të shkëlqyer.

“Gjyshi im ishte nga Shqipëria nga qyteti i Beratit. Doja të bëja një trajektore që të më lidhte me rrënjët e mia dhe noti nga Italia në Shqipëri ishte një sfidë e shkëlqyer.

Kushtet e erës, ishte e vështirë ta menaxhoje, kishte pak momente që e kisha erën në favor , ishte e vështirë gjatë gjithë kohës. Do t’më kishte pëlqyer ta përfundoja , por në fund askush nuk foli për faktin që nuk e përfundova të gjithë folën për faktin që unë e provova. Unë notova për 28 orë që kështu jam e kënaqur ,”-tha Eva Buzo.

Për nënën e saj , Eva ja arriti qëllimit.

“Ajo është një vajzë shumë e vendosur por edhe një person shumë i ekuilibruar . Dua të them se ajo nuk është vetëm një notare, ajo është një avokate për të drejtat e njeriut dhe një studente e shkëlqyer. Sporti është shumë i rëndësishëm, praktikojeni, kjo nuk do t’ju ndaloj të arrin majat më të larta të qëllimeve tuaja. Isha pak e frikësuat, por e ndjeja që ajo mund ta bënte këtë, dhe kisha shumë besim te trajnerët e saj”,-tha notarja Buzo.

Në përfundim Eva ka një mesazh “Bëni sport, jini aktiv dhe bëni gjëra që ju pëlqejnë, nuk ka rëndësi çfarë sporti.

LEXONI GJITHASHTU:

• Spahiu: 5 kryetarë bashkish në arrest, por kryeministra e presidentë të paprekshëm
• Bien kërkesat për azil, 2510 aplikime në fillim të vitit, 500 më pak se në 2022