Nga tymueset te përplasja me policinë, aktivistja e PSD flet për dhunën në protestë

Teuta Rusta, nga Partia Social Demokrate e Kosovës ishte këtë të enjte e ftuar në një intervistë për Euronews Albania për të folur rreth përplasjeve me policinë gjatë protestës së ditës së djeshme.

Ajo tha se ditën e djeshme, policia ka dhunuar jo vetëm protestuesit por edhe gazetarët. Sipas saj ata u përpoqën që të ndalonin mundësinë e filmimit nga mediat. Rusta tha se nuk ka pasur asnjë polic të lënduar gjatë përplasjeve, ndërsa janë gjashtë anëtarë të arrestuar.

“Ato janë vegla që i përdorin tifozët, janë tymuese. ato të tjerat kanë qenë mjete piroteknike që bëjnë vetëm zhurmë, nuk shkaktojnë dëme.

Ne i kemi hedhur vetëm në tokë, i kemi lënë të rrëshkasin në tokë, asnjë polic nuk është lënduar nga ato, ndërkohë që kemi gjashtë anëtarë të arrestuar dhe gazetarë të lënduar. Bilanci i fundit tregon raportin e forcës që është përdorur. Kjo nuk është hera e parë që ne kemi përdorur tymuese. Nuk dëmtojnë asgjë”,-tha Teuta Rusta.

LEXONI GJITHASHTU:

• Arrestohet kreu i PSD në Kosovë, gazetari zbulon detaje nga protesta e dhunshme
• Protesta kundër Gjykatës Speciale, reagon PSD: Trëndafilova nuk është e mirëseardhur