Ngjarja në Pukë, Gjonaj për Euronews Albania: Kërkojnë të marrin pushtetin me armë

Kryebashkiaku i Pukës Gjon Gjonaj ka dhënë një intervistë për Euronews Albania, pas të shtënave me armë zjarri në orët e para të mëngjesit të sotëm në Pukë.

Ndërsa e ka konsideruar si politike referuar opozitës, ai tha se këto të fundit kërkojnë të vijnë në pushtet me armë.

Ai shtoi se një gjë e tillë nuk ka ndodhur kurrë më parë ndërsa thekson se do ja lërë në dorë drejtësisë që të merret me çështjen.

“Janë pjesë e një lufte të padrejtë. Kërkojnë të vijnë në pushtet me forcën e armëve. Por ne  kemi një armë tjetër që është arma e zbatimit të ligjit,. Kemi bërë  një punë të lavdërueshëm.  Forcat e tij mbështetëse u konfliktuan me këta të tjerët. Mendoj se janë prova të mjaftueshme. Jam shumë i prekur për këtë që ka ndodhur . Nuk ka ndodhur asnjëherë një gjë e tillë . Megjithatë le të ia lëmë drejtësisë. Përveç Prendit janë identifikuar dhe mbështetësit e tij. Besoj se do të jetë një varg i gjatë i personave që fshihen pas kësaj ngjarje. Gjej rastin me dashamirësinë më të madhe dhe uroj që të  vijoj puna dhe procesi deri në momentin e fundit të numërimit të votave. Duhet t’i bëjmë shërbim popullit. Kushdo që konkurron për zgjedhjet duhet të zbatojë ligjin.

Policia ka shpallur në kërkim 26-vjeçarin Klaudio Prendi, i cili gjatë mesnatës ka qëlluar me armë zjarri në ajër nga makina.

Ngjarja ka ndodhur rreth orës 00:20,  në dalje të qytetit të Pukës në aksin rrugor Pukë – Fushë-Arrëz.

Si pasojë e të shtënave për fat të mirë nuk ka pasur të lënduar në njerëz.

LEXONI GJITHASHTU: 

• Sunak: Kurorëzimi i Mbretit Charles III, moment krenarie kombëtare
• Të shtëna me armë zjarri në Pukë, qëllohet drejt makinës në lëvizje