Një ngjarje e rëndë ka ndodhur mbrëmjen e të dielës në qendër të komunës së Vushtrisë në Kosovë ku ka pasur të shtëna me armë zjarri mes disa personave e për pasojë ka mbetur i vrarë një 19-vjeçar.

Hetuesit policorë kanë identifikuar dhe arrestuar të dyshuarin B. D., gjithashtu  19 vjeçar nga i cili është konfiskuar një armë pistoletë që dyshohet të jetë përdorur nga i dyshuari në kryerjen e veprës penale.

Në shtëpinë e të dyshuarit është realizuar bastisje ku është gjetur dhe konfiskuar edhe një armë e gjatë me pesë (5) fishek.

Me vendim të porokurorit të dyshuarit i është caktuar masa e ndalimit policor. Rrjedha hetimore është duke vazhduar në koordinim me prokurorin e rastit për zbardhjen e plotë të të gjitha rrethanave që ndërlidhen me rastin e veprës penale vrasje e rëndë”.

LEXONI GJITHASHTU:

• Marrëveshja ushtarake Kosovë-Shqipëri-Kroaci, Vjosa Osmani i përgjigjet Serbisë
• Prokuroria urdhëron bastisje në Ministrinë e Bujqësisë në Kosovë