Ngjela tregon pse iu ndalua Metës pjesëmarrja në Kongresin e PES-së

Avokati Spartak Ngjela u shpreh në një intervistë për Euronews Albania se kreut të Partisë së Lirisë Ilir Meta iu ndalua pjesëmarrja në Kongresin e Partisë Socialiste Europiane, pasi bashkëpunoi me Sali Berishën.

“Fakti është që i thanë, meqë je me Berishën ne nuk të pranojmë. Problemi i Berishës në Perëndim është shumë i madh. Ai nuk hyn dot në perëndim. Do skemë të re PD dhe Saliu duhet t’a lejojë, vetëm kështu mund të vijë në pushtet”, u shpreh Ngjela.

Mesditën e së enjtes qarkulloi në media një e-mail ku pretendohet se Partia Socialiste Europiane, i ka ndaluar Ilir Metës pjesëmarrjen në kongresin që pritet të zhvillohet në Berlin në mes të muajit tetor.

Në media qarkulloi lajmi se Metës i është ndaluar pjesëmarrja për shkak të bashkëpunimit me Sali Berishën.

I menjëhershëm ka qenë edhe reagimi i Partisë së Lirisë, e cila nënvizoi se asgjë nuk është e vërtetë.

Partia e Lirisë tha se në e-mail që pretendohet se ka ardhur përgjigja nga partia europiane, “nuk është çuar në adresën e Partisë së Lirisë, por në adresën [email protected], në email të Ralf Gjonit dhe adresën fake të Monika Kryemadhit, që nuk ekziston.

LEXONI GJITHASHTU:

• FOTO | Metës i ndalohet pjesëmarrja në Kongresin e PES-it? E-maili që qarkulloi
• PES ‘refuzon’ Metën? Braimllari: Nuk kemi bërë kërkesë për të marrë pjesë në Kongres
• Partia e Lirisë: Meta s’është ndaluar për Kongresin e Partisë Socialiste Europiane