Nikolla uron Sulltan Nevruzin: Sot kremtohet ringjallja e shpresës

Kryetarja e Kuvendit, Lindita Nikolla ka uruar të gjithë besimtarët Bektashinj me rastin e festës së Sulltan Nevruzit

Duke e cilësuar festën si festivalin e gjallërimit të natyrës dhe gëzimit të njerëzve, Nikolla uron të gjithë personat që kremtojnë Sulltan Nevruzin kudo që ndodhen.

“Sulltan Nevruzi, kjo ditë e hareshme, është shndërruar vit pas viti në një festival që përshëndet dhe simbolizon gjallërimin e natyrës dhe të njeriut.

Është festa e besimtarëve bektashinj, por edhe e njerëzve që u bashkohem atyre dhe që  gëzojnë ardhjen e stinës së re, lindjen e ngrohtësisë, ndriçimin e dritës, ringjalljen e shpresës, triumfin e të mirës, forcën e besimit, shpërthimin e gëzimit, lumturinë që rrjedh prej paqes e harmonisë.

Gëzuar të gjithëve që e kremtojnë Sulltan Nevruzin, kudo ku ndodhen!”, shkruan znj. Nikolla.

LEXONI GJITHASHTU:

• Simbolika e Nevruzit| Samarxhi: Kur foshnja femër therej, Imam Aliu luftoi për jetën
• Mbesa e Reshat Bardhit rrëfen mrekullitë: Babi po vdiste, e ngriti me 3 këndime
• Byreku me 12 lakra, ja pse duhet ta bëni patjetër për Sulltan Nevruz