Me rastin e Sulltan Nevruzit, e ftuar në studion e emisionit “Goodmorning Albanians” në Euronews, ishte e ftuar Kimete Qosja, mbesa e Baba Reshat Bardhi, e cila rrëfeu disa nga historitë e mrekullive të bëra prej gjyshit të saj.
Qosja zbuloi se njëra prej mrekullive ishte shpëtimi i babait të saj, Ademit, kur po linte amanetet në shtratin e vdekjes.
Ajo tha se Baba Reshati i këndoi tre herë dhe i ati u çua nga krevati.
“Edhe për ndërrimin e jetës së babit, babain e doja shumë dhe në mëngjes kur po jepte amanetet, marrë babai Reshatin dhe e njoftova. Ai erdhi shumë shpejt për 5 minuta dhe babai ishte shumë rëndë. Ai me tre këndime e ngriti. I këndoi herën e parë, ai nuk u përmend. I këndoi herën e dytë, ai lëvizi dorën dhe i këndoi herën e tretë dhe babai u ngrit. I tha “hajde Adem se do vjelim rrushin të bëjmë rakinë, a të mjaftojnë dhe 10 vite jetë””, tha ajo.
Gjithashtu ajo rrëfeu dhe një episod tjetër kur ishte 18-vjeçe me Baba Reshatin, të cilin po ashtu e cilësoi si mrekulli.
“Ai vërtetë ishte njeri i madh dhe nuk kemi ditur të kërkonim prej atij. Mund të jepte urata nga më të fuqishmet.
Para se të hapej teqeja shkoja në shtëpinë e tij dhe e ndihmoja, pasi ishte vetëm gjyshja. Mbaj mend njëherë që kisha gatuar unë, duhet të kem qenë 18-vjeçe, 50-vite para, baba Reshati ishte aty dhe po pinte një got raki. Të them të drejtën edhe unë e pija rakinë se babai im bënte dhe pasi mbaroi gotën më tha shko mbushe këtë gotën nga dhoma tjetër. Atij nuk I kërkoja dot që të pija dhe unë. Unë vetë aty, isha te dhoma e tij e gjumit dhe thashë nuk po e kthej këtu se më duket sikur më shihnin dhe murret. Nuk e piva as në korridor, as në oborr se mos më shihte nga dritarja. E piva në korridorin e vogël kur po hyja në guzhinë. Kur ia çova ai më tha: “A të pëlqeu?”. Nuk e di nga e kuptoi, se nuk mund të më shihte, kjo për mua ishte një mrekulli”, tha ajo.
LEXONI GJITHASHTU: