Nis aplikimi i çmimit të ri të energjisë elektrike, Balluku: Morëm masa konkrete

Muaji shkurt shënoi fillimin e aplikimit të çmimit të ri të energjisë elektrike për abonentët familjarë, në vlerën 8.5 lekë për kilovat. Për të mos mbi faturuar abonentët, OSHEE ka marre masa qe leximi te verifikohet para se të dalë fatura mujore.

“Shkurti shënoi nisjen e aplikimit të çmimit të ri të fitojë, 8.5 lekë për kilovat për të gjithë abonentët familjarë që konsumojnë deri në 700 kilovat për orë, duke sjellë një reduktim të faturave për 95% të familjeve shqiptare. Kemi marrë të gjitha masat për të garantuar një proces të shpejtë dhe të saktë faturimi për të gjithë, duke dokumentuar përmes fotove leximin e çdo matësi dhe rritje transparencën për çdo rast”,-shkruan ministrja e Infrastrukturës dhe Energjetikës.

Çmimi aktual i energjisë për konsumatorët familjarë ishte 9.5 lekë për kWh, ndërsa pas miratimit të këtij vendimi, çmimi do të ulet me 1 lek për kWh. Kjo ulje do të aplikohet për konsumatorët që konsumojnë deri në 700 kWh në muaj dhe do të jetë në fuqi për periudhën 1 shkurt – 31 dhjetor 2025.

LEXONI GJITHASHTU:

• Rama me strukturat socialiste: Bëmë uljen e parë të çmimit të energjisë që nga 1990
• Ndryshon çmimi i energjisë, ja tarifat e reja për furrat e bukës