Nis aplikimi në universitete, zgjat nga data 29 korrik deri më 3 gusht

Nga data 29 Korrik, e deri më 3 Gusht, të gjithë maturantët, do të mund të aplikojnë për listën e degëve që duan të studiojnë.

Përmes portalit U-Albania, ata mund të zgjedhin 10 degët, ku syzojnë të fitojnë universitetin. Rezultatet e provimeve, mesatarja, por edhe statistikat e viteve të kaluara i ndihmojnë maturantët që të orientohen më mirë në degët që duan dhe degët që mund të arrijnë.

Përmes një postimi në rrjetet sociale, Ministria e Arsimit, ju bëri dhe njëherë thirrje maturantëve që të ndjekin studimet në universitetet në Shqipëri, si dhe të kenë vëmëndjen e tyre, drejt degëve me prioritet kombëtar, në të cilat mund të përfitojnë përjashtim nga tarifat dhe bursë mujore sa paga minimale.

Ministria e Arsimit i ka dërguar rrjetit akademik shqiptar, maturantët kanë mbi 32 mijë kuota në dispozicion. Ndërsa në degën Mjekësi e përgjithshme janë 465 kuota, prej të cilave 400 janë për maturantët brenda vendit dhe 65 për maturantët nga trojet, Medvegja, Preshevë dhe Bujanovc. Në disa programe studimi kriter është nota mesatare.

Universitetet që kanë konkurse apo teste shtesë brenda javës së parë të Gushtit bëjnë publike emrat e aplikantëve. Këtë vit akademik edhe Mjekësia do të ketë test shtesë për maturantët, i cili pritet të zhvillohet në datat 10-20 Gusht.

Një risi e këtij viti është dhe kredia studentore. Kredia mbulon tarifën e studimit dhe kostot e jetesës për ndjekjen e një programi studimi, të ciklit të parë ose të dytë.

LEXONI GJITHASHTU:

• Vrasja e gruas në Greqi kthehet në thriller, misteri më i madh i kohëve të fundit
• Ngrihet aktakuzë për një serb të dyshuar për krime lufte në Kosovë