Nis Konventa e Partisë së Lirisë, ndryshimet statuore që do miratohen

Në Konventën Kombëtare të Partisë së Lirisë do të miratohen ditën e sotme ndryshimet staturore.

Mësohet se dy nga ndryshimet statuore më të rëndësishme janë:

1. Referendumet e brendshme në PL, lidhur me çështje të organizimit të brendshëm dhe ndryshimeve statutore.

2. Kryesia e Degëve të Partise së Lirisë, propozon kandidaturat për deputet apo për kandidat në zgjedhjet lokale, dhe kudo ku kërkohet përfaqësimi i PL në territorin administrativ të saj.

Ndërkohë në rezolutën e kësaj partie, e cila u prezantua nga Sekretari i Përgjithshëm i PL, Tedi Blushi, theksi është tek referendumi.

Sipas rezolutës, Partia e Lirisë do të sanksionojë në legjislacion që çdo ndryshim/amendim në Kushtetutën e Republikës së Shqipërisë të mos bëhet më vetëm nga deputetët.

Në të theksohet se ndryshimet në Kushtetutë duhet të realizohen vetëm përmes Referendumit, që është edhe vullneti i drejtpërdrejtë i popullit.

LEXONI GJITHASHTU:

• Ben Andoni: Njerëzit po kuptojnë që në Shqipëri nuk ndryshon gjë
• “Udhëtime të tepruara”, Ben Andoni-Ramës: Vendi drejtohet nga zyra
• I vetmi kandidat për kreun e PL, Meta: Tregon besim për lidershipin tim