Në burgun e Fierit ditën e sotme ka nisur zbatimi i amnistisë penale ku përfituan 117 të dënuar për vepra të lehta penale.

Nga amnistia kanë përfituar të gjithë meshkujt që ndodhen në këtë institucion, të cilëve i kishte mbetur më pak se katër vjet nga vuajtja e dënimit, siç është kundravajtja penale që dënohet me 2 vjet burg, përfshirë gjobat ose çdo lloj dënimi tjetër më të butë të marrë me vendim të formës së prerë.

Në këtë institucion kanë përfituar sipas drejtorit Ervin Bushi, 117 të burgosur që dalin nga amnistia ndërsa 311 të tjerë përfitojnë ulje dënimi.

Pothuajse 30% e të dënuarve që ndodhen ne burgun e Fierit përfituan amnistia penale..

Familjarët e tyre i kanë pritur tek porta e jashtme e burgut. Ky  institucion i vuajtjes se dënimit ka mbi 800 të dënuar gjithsej, për vepra të ndryshme penale.

LEXONI GJITHASHTU: 

• Nis zbatimi i amnistisë, Manja: Përfitojnë 1600 të dënuar, rreth 800 lirohen sot
• Basha: Do dorëzojmë në Kuvend dy amendamente për të mbështetur SPAK