‘Nismë bashkëpunimi’, analisti Berisha: Kosova nuk ka pse t’i druhet ‘Open Balkan’

Analisti politik Ridvan Berisha deklaroi për emisionin “Mirëmëngjes” në Euronews Albania se ‘Open Ballkan’ është një iniciativë që ndan vlera të njëjta me ato të Bashkimit Europian.

Sa i përket hezitimit të qeverisë së Kosovës për t’u bashkuar më këtë nismë, analisti tha se nuk kemi pse të ndruhemi kësaj iniciative bashkëpunimi.

“Në Kosovë të pakta janë zërat e arsyeshëm që kanë reflektim objektiv. Këto zëra kryesisht vijnë nga shoqëria civile, nga politikanë.  Në vitin 2021 ende ne në Kosovë e ri-injektojmë frikën nga diçka që nuk e shohim fare. Pse duhet të ndruhemi nga një platformë rajone e bashkëpunimit, përkatësisht nga Serbia? “, u shpreh ai.

Ai nënvizoi se takimi djeshëm i “Open Balkan” në Shqipëri është komentuar me nota nacionalizmi në Kosovë.

Më tej analisti shtoi po të ishte PDK-ja në qeverisje Kosova pa hezitim se do merrte pjesë në nismën ‘Open Balkan”.

Në lidhje me dialogun Kosovë-Serbi në Bruksel, z. Berisha tha se nuk po shënon asnjë lloj përparimi.

LEXONI GJITHASHTU:

• Kryetarja e Bashkimit të Dhomave të Industrisë: Marrëveshjet në ‘Open Balkan’ u firmosën pas presionit të bizneseve
• ‘Nisma nuk ka më kthim pas’ – Rama, Vuçiç dhe Zaev nënshkruajnë 5 marrëveshje në Open Balkan