Një anije mallrash përfundon në kopshtin e një burri norvegjez: Ishte e pabesueshme

23 Maj 2025 | 18:39

Një burrë norvegjez ka folur për momentin “e pabesueshme” kur u zgjua për të zbuluar se një anije kontejnerësh 135 metra e gjatë ishte përplasur në kopshtin e tij të përparmë.

Anija mallrash, NCL Salten, kishte ngecur në breg pak para orës 5 të mëngjesit të enjten, pasi kishte hyrë në fjordin e Trondheimit në rrugën e saj drejt qytetit perëndimor të Orkanger.

Një fqinj i habitur e shikoi anijen, e cila po udhëtonte me rreth 16 nyje (afërsisht 30 km/orë), teksa po shkonte drejt e në breg, në kopshtin e Johan Helbergut, duke i shpëtuar për pak shtëpisë së tij.

Helberg , i cili jeton në Byneset, pranë Trondheimit, u zgjua nga fqinji i tij që po i binte ziles së derës. Ai shikoi nga dritarja për të parë harkun e anijes.

“Shkova te dritarja dhe u habita shumë kur pashë një anije të madhe”, i tha Helberg gazetës Guardian. “Më duhej të përkulja qafën për të parë majën e saj. Ishte kaq e pabesueshme”.

Në bordin e anijes së regjistruar në Qipro ndodheshin 16 anëtarë të ekuipazhit, midis tyre norvegjezë, lituanezë, ukrainas dhe rusë. Nuk pati raportime për lëndime ose derdhje nafte. Policia po heton incidentin dhe ka identifikuar një të dyshuar në bordin e anijes.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Kim Jong Un bëri thirrje për zgjerimin eksponencial të arsenalit bërthamor të Koresë së Veriut

Udhëheqësi i Koresë së Veriut, Kim Jong Un, ka bërë thirrje për një zgjerim eksponencial të arsenalit bërthamor të vendit, njoftoi agjencia shtetërore e lajmeve...
08:22 | 04/06/2026

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026

SHBA njofton armëpushim të ri mes Izraelit dhe Libanit, kusht ndalimi i sulmeve të Hezbollahut

Izraeli dhe Libani kanë rënë dakord për zbatimin e një armëpushimi të ri, i cili kushtëzohet nga ndalimi i plotë i sulmeve të Hezbollahut, njoftoi...
07:18 | 04/06/2026