Një i armatosur hap zjarr në Idaho të SHBA-së, vret dy persona, plagoset një tjetër

Një ngjarje tragjike ndodhi në Idaho, SHBA, ku një burrë i armatosur me pushkë me fuqi të lartë hapi zjarr në mënyrë të qëllimshme në një pyll. Për pasojë e të shtënave, u vranë dy zjarrfikës dhe u plagos një i tretë, njoftuan autoritetet lokale të dielën.

Sipas Sherifit të Qarkut Kootenai, Bob Norris, ngjarja ndodhi në një zonë malore të pyllëzuar në Mali Canfield, në veri të qytetit Coeur d’Alene, rreth orës 13:30. Rreth gjysmë ore pas raportimit të zjarrit, u dëgjuan të shtëna me armë zjarri.

“Ne besojmë se i dyshuari e nisi zjarrin qëllimisht për të ngritur një pritë ndaj ekipeve të ndihmës. Këta zjarrfikës nuk patën asnjë shans,” – tha Sherifi Norris.

Më vonë, një ekip taktik përdori të dhënat e telefonit celular për të gjurmuar vendndodhjen e të dyshuarit, të cilin e gjetën të vdekur me armën pranë, ndërsa zjarri po afrohej me shpejtësi drejt tij. Autoritetet theksuan se i dyshuari veproi i vetëm.

Ngjarja shkaktoi panik në komunitet, duke detyruar autoritetet të lëshonin një urdhër për strehim në vend për banorët përreth, i cili u hoq në mbrëmje, pas neutralizimit të rrezikut.

Hetimet vijojnë për të zbuluar motivin e kësaj ngjarjeje të rëndë, ndërsa komuniteti është në zi për humbjen e dy punonjësve të emergjencës që shkuan për të shpëtuar jetë, por humbën të tyren në krye të detyrës.

LEXONI GJITHASHTU:

• Trump mohon çdo kontakt me Iranin pas sulmeve: Nuk i ofrova asgjë Teheranit
• Starlink planifikon të investojë mbi 112 milionë dollarë në Afrikën e Jugut