Një kilometër nga kufiri i Gazës, Euronews raporton nga fronti i luftës në Izrael

Gazetari i Euronews Albania, Thimi Samarxhiu raportoi nga Izraeli, një kilometër në vijë ajrore nga kufiri me Gazën.

Në zonën ku ndodhej Samarxhiu kishte shenja të predhave që ishin hedhur, makinave të shkatërruara e gomave të djegura.

“Ka municione të shumta dhe forca ushtrie. Taka është komplet e djegur, ndërsa automjetet kanë shkrirë nga nxehtësia e predhave. Këtu ka dhe një numër të madh gëzhojash të qëlluara nga ushtria izraelite. Ka dhe predha të kalibrit të madh,” – u shpreh Samarxhiu.

Ai tregoi se të gjitha rrugët janë të bllokuara nga ushtria izraelite e cila ka nisur një ofensivë.

Izraeli parlajmëroi banorët e Gazas këtë të premte të zhvendosen nga veriu në jug, pasi në orët në vijim pritet të nis dhe ofensiva ushtarake e këmbësorisë.

Janë 1.1 milionë banorë të cilët pritet të zhvendosen, teksa përballen me mungesën e energjisë elektrike, karburantit dhe sasi të kufizuara ushqimesh.

LEXONI GJITHASHTU:

• Fati i luftës në Izrael! Alarmi i ekspertit: Nuk ka zgjidhje
• Liderët e Bashkimit Evropian mbërrijnë në Izrael “për të shprehur solidaritetin”