Një vit pas marrëveshjes Kosovë-Serbi në Ohër/ Rama: Zbatimi thelbësor për sigurinë

Një vit pas marrëveshjes Kosovë- Serbi në Ohër, kryeministri Edi Rama ka reaguar me anë të një postimi në platformën “X” ku shprehet se zbatimi i marrëveshjes është i rëndësishëm për ruajtjen e sigurisë, stabilitetin dhe paqen.

Ai tha gjithashtu se Marrëveshja dhe Aneksi i Zbatimit duhet të përfshihen zyrtarisht si pjesë përbërëse e proceseve përkatëse të anëtarësimit të Kosovës dhe Serbisë në BE ndërsa shtoi se çdo vonesë për ta bërë këtë vetëm e forcon status quo-në.

“Ndërsa i afrohemi takimit të Këshillit Evropian të 21 marsit, është thelbësore të kujtojmë se zbatimi i Marrëveshjes për Rrugën e Normalizimit të Marrëdhënieve ndërmjet Kosovës dhe Serbisë, së bashku me Aneksin e saj Zbatues, është i një rëndësie të madhe për ruajtjen e sigurisë, stabilitetit dhe paqes në Ballkanin Perëndimor.

Nuk mjafton vetëm njohja e Marrëveshjes që është ligjërisht e detyrueshme. Për të siguruar progres, Marrëveshja dhe Aneksi i Zbatimit duhet të përfshihen zyrtarisht si pjesë përbërëse të proceseve përkatëse të anëtarësimit të Kosovës dhe Serbisë në BE.

Çdo vonesë për ta bërë këtë vetëm e forcon status quo-në. Dhe status quo-ja e këtij çelësi strategjik për një fqinjësi paqësore, të begatë dhe evropiane në mes të Evropës nuk i shërben vetë sigurisë së Evropës”.

As we approach the 21st March European Council meeting, it’s crucial to remember that the implementation of the Agreement on the Path to Normalisation of Relations between Kosova and Serbia, along with its Implementation Annex, is of the utmost importance for maintaining…

— Edi Rama (@ediramaal) March 18, 2024

LEXONI GJITHASHTU:

• Hetimi për koncesionin e sterilizimit/ SPAK i komunikon akuzën ish-ministrit Beqaj
• “29.225 anëtarësime të reja në PS”, Rama: Tregojnë potencial, i tejkaluam objektivat