Noka me përfaqësuesit e LSI: Opozita shpall brenda pak ditësh kandidatin për Tiranën

Grupi i punës i ngritur nga Partia Demokratike për përzgjedhjen e kandidatit të opozitës për Bashkinë e Tiranës ka vijuar takimet edhe këtë të dielë.

Flamur Noka, Belind Këlliçi dhe Ilir Alimehmeti, të mandatuar nga Sali Berisha për përzgjedhjen e kandidatit të opozitës për Bashkinë e Tiranës, u takuan me përfaqësuesit e Partisë së Lirisë, Tedi Blushi dhe Edmond Haxhinasto.

Në fokus të diskutimeve kanë qenë kriteret që duhet të përmbushë kandidati i përbashkët opozitar ndërsa Flamur Noka deklaroi se brenda pak ditësh opozita do të ketë gati emrin e kandidatit për Bashkinë e Tiranës.

“Ne po përpiqemi të unifikojmë qëndrimet për parametrat që duhet të ketë kandidati, i cili duhet të ketë në qendër të tij qytetarin. Çështje ditësh dhe do të keni kandidatin e opozitës për Bashkinë e Tiranës”, u shpreh Noka.

Tedi Blushi, nga ana tjetër, konfirmoi se në këtë fazë janë diskutuar vetëm kriteret, jo emrat konkretë.

“Sot kemi diskutuar për kriteret që duhet të ketë kandidati dhe jo për emra konkretë”, tha Tedi Blushi nga Partia e Lirisë.

Një ditë më parë, grupi i punës në Partinë Demokratike u takua me Fatmir Mediun dhe Agron Dukën ndërsa përjashtim nga këto negociata bën vetëm Lëvizja Bashkë e Arlind Qorit.

LEXONI GJITHASHTU:

• PD nis takimet me aleatët për kandidatin e për Bashkinë e Tiranës
• Muçi lë të hapur kandidimin për Tiranën: Qori mund të marrë mandatin e deputetit