Nominohet ambasadori i Bashkimit Europian në Tiranë
Diplomati Silvio Gonzato është nominuar si ambasador i Bashkimit Europian në Tiranë.
Gonzato u nominua në këtë post nga Përfaqësuesi i Lartë i Bashkimit për Punët e Jashtme dhe Politikën e Sigurisë, Josep Borrell, më datë 27 nëntor.
Në njoftimin e Shërbimit Diplomatik të Bashkimit Evropian theksohet se Gonzato do të emërohet zyrtarisht, më 1 dhjetor 2023.
Silvio Gonzato e filloi karrierën e tij në BE në vitin 1988. Ai ka shërbyer si Zëvendës Shef i Delegacionit të Bashkimit Evropian në Kombet e Bashkuara në Nju Jork.
Gonzato ka qenë më parë Drejtor për të Drejtat e Njeriut dhe Demokracinë në Shërbimin Evropian të Veprimit të Jashtëm (EEAS). Në këtë cilësi, ai ishte përgjegjës për organizimin dhe përmbajtjen e të gjitha konsultimeve ndërmjet BE-së dhe vendeve partnere (mbi 40 prej tyre), zhvillimin e udhëzimeve të politikave dhe udhëzimet për delegacionet dypalëshe dhe shumëpalëshe të BE-së në çështjet që kanë të bëjnë me mbështetjen e demokracisë.
Në shtator 2015 ai u emërua Drejtor për Marrëdhëniet Ndërinstitucionale, Koordinimin e Politikave dhe Diplomacinë Publike në EEAS.
Ai ishte përgjegjës për koordinimin e të gjitha dosjeve politike dhe legjislative dhe përgatitjen e mbledhjeve të Këshillit të Punëve të Jashtme. Ai ishte gjithashtu përgjegjës për aktivitetet e diplomacisë publike (duke përfshirë promovimin e çështjeve kulturore në marrëdhëniet e jashtme të BE-së), çështjet e komunikimit strategjik.
Protestuesit vendosin shirita “skenë krimi” dhe një sirenë policie para Kryeministrisë
Aksident në Lungomare, motori përplas një të moshuar
Dita e 24-të e protestës, qytetarët nisin marshimin në rrugët e Tiranës
- 22:39 “Humbësit e mëdhenj janë PS dhe PD”, Çela bën bilancin pas 24 ditë proteste
- 22:34 Studiuesi: Familja e Goxhajt iu përkushtua Kosovës, politika jonë nuk vlerëson kontributet
- 22:27 “Rama s’ka shans të dialogojë”, parashikimi i Alibeajt: Do vazhdojë luftën e fortë
- 22:07 “Rama me zor po priste që të dilte koka e protestës”, Iljazaj: Sulmi ndaj Goxhajt, strategji
- 22:02 Protestuesit vendosin shirita “skenë krimi” dhe një sirenë policie para Kryeministrisë
- 21:55 Aksident në Lungomare, motori përplas një të moshuar