“Non-grata tentoi të bllokonte Kuvendin”, Balla akuza Berishës

Kreu i Grupit Parlamentar të PS-së, Taulant Balla u shpreh gjatë fjalës së tij në Kuvend se një “non grata” dhe një bashkëpunëtor i sigurimit të shtetit, po tentojnë që të bllokojnë punimet e Kuvendit.

Ai shenjëstroi në fjalën e tij Sali Berishën dhe Ilir Metën. Balla nënvizoi se Berisha nuk e do integrimin e vendit në Bashkimin Europian.

“I njëjti person, i njëjta sjellje politike, e njëjta njollë e zezë e Shqipërisë dhe sot u mundua të marrë peng kuvendin, natyrshëm zonja drejtuese e seancës vazhdoj ta them se është në turpin e Kuvendit, që një non-gratë në bashkëpunim me një bashkëpunëtor të sigurimit të shtetit të mundohen të pengojnë punën e Kuvendit të Shqipërisë. Çdo institucion e mbajnë rregullat, e mbajnë ligjet. Dështimi i mitingut shkaktojnë dhimbjet që kthehen këtu në një formë fyese për secilin prej nesh. Sali Berisha nuk e do integrimin. Nuk ka qenë kurrë këtu, por pengon integrimin me sjelljen e tij”, u shpreh Balla.

LEXONI GJITHASHTU:

• “Parazitë në opozitë s‘pranojmë”, Alibeaj reagon ashpër ndaj grupit të Berishës
• “Dy mushka kanë mbetur në fshatin tënd pa i punësuar”, Berisha i drejtojhet Manjës
• “Ja i paudhi”, Berisha bllokon foltoren, reagon Spiropali