Nora Malaj nga Izraeli: Sot kemi gjyshër modernë, s’duhen parë vetëm si të sëmurë

Ish-zëvendës ministrja e Arsimit, Nora Malaj ka qenë prezente në konferencën që po mbahet në Izrael në lidhje me ndërgjegjësimin e shoqërisë për moshën e tretë.

E ftuar në një lidhje direkte për emisionin “Good Morning Albanians”, Malaj tha se tashmë mosha e tretë ka ndryshuar, gjyshërit e sotëm, janë modern dhe mjaft aktivë dhe ata nuk duhet të shikohen më vetëm si njerëz të sëmurë që kanë nevojë për shërbim, por si një pjesë e shoqërisë e cila mund të japë kontribute në shoqëri.

“Sot gjyshërit, quhen gjyshër modern. Si puna ime që jam gjyshe dhe kam hyrë në moshën e tretë. Nuk duhen parë gjyshërit vetëm si pjesa që janë të sëmurë, por duhen parë si pjesë aktive e moshimit, të moshohesh në mënyrë aktive. Në konferencën që është bërë qëllimi është që të moshuarit të kenë shërbime në komunitet. Komuniteti është shumë i rëndësishëm”,-tha Nora Malaj për Euronews Albania.

LEXONI GJITHASHTU:

• Skandali i ilaçeve te onkologjiku, Mexhiti: Fajin e ka prokuroria, jo ministria
• Presidenti i Rumanisë: Ukraina u sulmua shumë pranë kufirit tonë