Në Ranën e Hedhun në Shëngjin janë gjetur pula të ngordhura, por shkaku për këtë nuk dihet ende.
Kështu bëri me dije në emisionin Mirëmëngjes në Euronews Albania Gjovalin Kaceli, Specialist Veteriner në Drejtorinë e Bujqësisë, Lezhë.
Kaceli tha se deri në këto momente në Lezhë nuk janë identifikuar raste të gripit të shpendëve, dhe se “pulat mund të kenë ardhur nga deti ose lumi, ku mund t’i kenë hedhur njerëzit”.
Ai deklaroi se operatorët turistikë kanë thënë se pulat mund t’i kenë hedhur me dashje, vetëm për të prridhur imazhin e vendit dhe për të ulur numrin e turistëve.
“Nuk dimë akoma shkakun nga se mund të kenë ngordhur, kjo ndodh pasi disa persona të papërgjegjshëm mund t’i hedhin në det, në lum, dhe lumi ose deti i ka sjellë në atë zonë ku është një zonë e cila frekuentohet shumë nga turistët. Operatorët turistikë thonë se mund t’i kenë hedhur me dashje vetëm për shkak që të prishin imazhin apo të ulin numrin e turistëve”, tha Kaceli.
Ndërsa, në një lidhje të drejtpërdrejtë me Mirmëngjes, Kreu i Shoqatës për Mbrojtjen e Konsumatorit dhe Prodhuesit, Ervin Resuli tha se duhet të ketë një varrezë të miratuar për shpendët e ngordhur, për të mos u gjendur si në situatën e Durrësit të ku nuk kishte në varrezë të tillë.
“Bashkia Lezhë apo shërbimet veterinare në Lezhë duhet të kenë një varrezë të miratuar, ku edhe qytetarët, kafshët e tyre të ngordhura t’i çojnë tek pika e miratuar për groposjen e tyre”, tha Resuli.
LEXONI GJITHASHTU: