Nuk duhen kaluar 9 miliardë banorë brenda vitit 2027, paralajmëron iluzionisti

Iluzionisti Nadir Murra foli në një intervistë për Euronews Albania rreth studimit i cili tregon se brenda vitit 2027, bota nuk duhet të kalojë 9 miliardë banorë.

Siç ai sqaron është dhe ndotja apo shpërdorimi që njerëzit i bëjnë planetit, ai që sjell dhe në rezultate të tilla.

“Ne nëse gjendemi brenda një kupole, që është kjo Toka, në qoftë se ka pak njerëz, nuk diskutohet atë frymë që thithim dhe atë azot që nxjerrim është i pakët, por nuk diskutohet sa më shumë të jemi aq më keq është,” – deklaroi Murra.

Ndërkohë, popullsia e botës është rritur ndjeshëm në dekadat e fundit, nga rreth 2 miliardë që ishte në 1950-n. Objektivi është të arrijë në 10 miliardë brenda 2050-s.

Kuotat e lindjeve variojnë nga vendi në vend, duke u rritur tek ato që kanë ulur vdekshmërinë foshnjore dhe përmirësuar shëndetësinë.

Në zona të tjera, përfshirë Evropën, nivelet e lindjeve po ngadalësohen për shkak të një seri faktorëve, mes të cilëve spikat ai ekonomik.

LEXONI GJITHASHTU:

• Iluzion optik në Paris, artisti i njohur krijon një humnerë poshtë kullës Eiffel