“Nuk duhet të hash më mish”, mjekja tregon rastin kur pacienti u përlot

Kardiologia Daniela Teferiçi tregoi në një intervistë për “Good morning Albanians” në Euronews Albania historinë e një pacienti të cilit i kishte rekomanduar të hiqte dorë nga mishi i kuq.

Mjekja tha se zotëria ishte përlotur sepse konsumin e mishit e kishte shumë të rëndësishëm dhe pjesë të pandarë të jetës së tij, gjë që asaj i kishte bërë përshtypje.

Teferiçi tha se pacienti i saj ishte nga jugu dhe shijonte gjithnjë mishin me alkool.

“E kishte mënyrë të jetuari, pinte pak alkool, kishte mishin dhe u emocionua shumë dhe mua më bëri përshtypje. Ishte 60 e ca vjeç dhe u përlot sepse do të shkëputej nga stili i tij i jetesës që e shijonte atë stil,” – tregoi mjekja.

Teferiçi shtoi gjithashtu se ka shumë qytetarë që prej frikës se mos mjeku iu ndalon ushqime që i kanë qejf, zgjedhin të mos konsultohen fare.

LEXONI GJITHASHTU:

• Shkencëtarët: Presioni i lartë i gjakut dëmton 9 rajone të trurit
• Mjekja tregon simptomat e hipertensionit, nga dhimbja e kokës tek gjaku nga hundët