“Nuk ka më kthim”, gazetari nga Izraeli: Ushtria është futur në Gaza, ja ç’po ndodh

Attila Somfalvi, gazetari nga Izraeli ishte këtë të hënë i ftuar në një intervistë për Euronews Albania ku tha se ushtria izraelite është futur në territorin e Gazës, por metoda që ajo po ndjek është një hapa para, një hap pas. Ajo sipas tij po lëviz në një mënyrë të ngadaltë, pasi Hamasi ka shumë baza të mbushura me municione, gjë që mund të jetë e rrezikshme për ushtarakët.

“Situata është shumë komplekse. Jemi të përfshirë nga lufta. Ushtria izraelite po drejtohet për në Gaza në mënyrë të moderuar me kujdes dhe ka një lëvizje të shtuar të trupa ve ushtarake në Gaza, sepse ushtria izraelite e di se kur duhet të presë dhe se kur duhet të veprojë. Ushtria nuk ka hyrë thellë në Gaza. Ajo depërton gjatë natës e tërhiqet gjatë ditës. Gjatë natës kemi avancim territorial, ndërsa gjatë ditës kemi tërheqje. Kjo është një lëvizje komplekse, por mbron ushtarët”,-tha gazetari.

I pyetur për situatën e civilëve në Gaza ai u përgjigj:

“Sa u takon civilëve, ushtria izraelite u dha atyre shumë shanse. Gjatë kohës që ushtria po përgatitej, mijëra palestinez u zhvendosën. Kjo u mundësua nga Izraeli. Ne u siguruam që sa më shumë civilë të ishin të pa përfshire në luftë, por fatkeqësisht Hamasi, u ka bërë thirrje civilëve që të qëndrojnë”,-tha gazetari duke shtuar se Hamasi po përdor shkollat, spitalet dhe komplekset e tjera për t’u mbrojtur.

“Kjo është arsyeja se përse Izraeli u vonua në ofensivën e tij, në mënyrë që civilët të largoheshin. Nuk mund të them që ikën të gjithë. Izraeli nuk po përpiqet të vrasë fëmijët. Ne po mundohemi të shmangim çdo viktimë të pafajshme”,-tha  ai.

LEXONI GJITHASHTU:

• Tokë, apartamente e makinë, sekuestrohen 500 mijë euro pasuri në Lezhë
• E sulmoi burri pasi e kapi duke folur në telefon, ndërron jetë shqiptarja në Itali