Nuk kemi nevojë për lidhje diplomatike me Perëndimin, thotë Medvedev

Ish-presidenti rus Dmitry Medvedev tha se Moska nuk ka nevojë për lidhje diplomatike me Perëndimin.

Reagimi i tij vjen pas një vale sanksionesh ndaj Rusisë të shpallura nga vendet perëndimore.

Medvedev, i cili u shkarkua nga posti i kryeministrit nga Vladimir Putin në vitin 2020 dhe tani shërben si nënkryetar i këshillit të sigurisë të Moskës, shkroi në rrjetin rus të mediave sociale VK, se është koha për të “bllokuar ambasadat”.

Ai tha se Moska do të vazhdojë pushtimin e saj në Ukrainë derisa të arrijë qëllimet e përcaktuara nga Presidenti Vladimir Putin. Është e paqartë se cilat janë objektivat e sakta të Putinit.

Medvedev gjithashtu dënoi pezullimin e Rusisë nga Këshilli i Evropës, por u mburr se ky veprim i jep Moskës një mundësi për të rivendosur dënimin me vdekje në ligjin rus.

LEXONI:

• BE ngrin pasuritë e Putin dhe Lavrov
• Stoltenberg: Putin po bën gabim strategjik