Nuk ndalet rënia e euros, pritet forcimi i lekut

30 Qershor 2023 | 17:24

Dukej sikur po rimëkëmbej një javë më parë, por euro vazhdon të bjerë sërisht, në shifrën 106.44 lekë, nga 107.6 që ishte. Edhe pse Banka e Shqipërisë bleu rreth 15 milionë euro me qëllim plotësim e rezervës, kjo lëvizje nuk dukej e mjaftueshme për të stopuar rrëzimin e vazhdueshëm të nënçmimit.

Faktorët kryesor për euron e dobët vijon të mbetet oferta e lartë e valutës në treg e cila është shtuar me rritjen e turizmit në vend, dhe parashikohet të vazhdojë e tillë me avancimin e sezonit veror që pritet të intensifikohet në muajin gusht.

Ekspertët nuk përjashtojnë dhe faktorin tjetër kryesor si qarkullimi i parasë informale në treg që vazhdon të destabilizoj.

Por përveç faktorëve të brendshëm, dobësimi I euros vjen dhe nga zhvlerësimi i valutës në bursat ndërkombëtare, ku vlera e këmbimit me dollarin arriti vlerën 1.084 nga 1.1 dollarë që ishte një javë më parë.

Dollari në anën tjetër është forcuar nga përmirësimi i treguesve dhe performancës ekonomike të tregjeve të SHBA-ve.

Ndryshe nga euro, mbiçmimi i dollarit kundrejt lekut është 98.15 lekë, ose 0.35 më shumë seç ishte.

Euro konsiderohet si valutë e lidhur ngushtë me tregun tonë. Gjatë vitit valuta është këmbyer mesatarisht me 112.8 lekë, ,e poshtë se vlera mesatare e 114 që ishte. Ky nivel cilësohet si më i ulti historik, ndërsa mesatarja e vitit 2022 ishte gati 119 lekë.

Rrëzimi i fortë i valutës nisi që në maj krahas me periudhën e zgjedhjeve lokale, dhe dukej sikur ndaloi me mbarimin e fushatës për t’ju rikthyer ekuilibrave të mëparshme. Por nënçmimi i fortë vijon akoma pa ndalur.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Prodhimi i energjisë elektrike u rrit 43% në maj, HEC-ET mbajtën peshën kryesore

Sistemi energjetik është përmirësuar gjatë muajit maj.  Të dhënat e Operatorit të Sistemit të Transmetimit tregojnë se prodhimi vendas i energjisë elektrike u rrit me...
15:43 | 26/06/2026

40 mijë kërkesa, shtyhet edhe 10 ditë afati i aplikimeve për subvencionet e fermerëve

Afati i aplikimeve për subvencionet e fermerëve në Skemën Kombëtare të Bujqësisë është shtyre edhe për 10 dite te tjera. Lajmin e ben te ditur...
15:40 | 26/06/2026

Samiti i “Accenture Greqi” në Tiranë: Si inteligjenca artificiale po transformon bizneset

Për të dytin vit radhazi, në kryeqytet u zhvillua Samiti për Inteligjencën Artificiale ndërsa zhvillimi i shpejtë i kësaj teknologjie, si dhe krijimi i një...
18:04 | 25/06/2026