‘Nuk tërhiqem’, Balla bën paralajmërimin: Po zbardh aferë të madhe korruptive

Kryetari i Grupit Parlamentar të Partisë Socialiste, Taulant Balla thotë se nuk do të tërhiqet nga çështja e privatizimit të ish-kompleksit sportiv, ‘Partizani’.

Në emisionin “Now” në “Euronews Albania”, Balla deklaroi se ka ndihmuar me aq sa ka ditur, në mënyrë që të zbardhet një nga aferat më të mëdha korruptive.

“Një gjë është të fillosh një hetim dhe tjetra është t’i shkosh deri në fund. Kërkesa jonë e vazhdueshme nuk është të çojmë 3 letra dhe të themi se po hetojmë. Hetim është të kërkosh të gjithë dokumentacionin referues çështjes. Besimi im te dosja e kompleksit Partizani, duke qenë se mundësia të shkoj aty, kam parë që zonja prokurore ka punuar me themel.

Duke qenë se është një çështje që kam 10 vjet që i rri nga mbrapa dhe nuk tërhiqem, duket që e kishin kuptuar fabulën e çështjes. Unë kam ndihmuar me sa kam ditur për zbardhjen e një prej aferave korruptive të ish-kryeministrit deri në vitin 2013”, theksoi ai.

LEXONI GJITHASHTU

• Privatizimi i ish-kompleksit ‘Partizani’, Balla: Faktet e reja që disponoj
• Balla shpjegon pse u tërhoq PS nga ligji për “non gratat”
• Taulant Balla: Çfarë di për ‘non gratan’ e Sali Berishës nga Bashkimi Evropian