Hepatiti, një infeksion viral që prek mëlçinë, aktualisht vret mbi 100 mijë njerëz çdo vit në Europë.

Organizata Botërore e Shëndetësisë deklaron se në nivel global, çdo 40 sekonda dikush humb jetën nga hepatiti B ose C – një numër tejet i lartë, duke pasur parasysh se shumica e këtyre vdekjeve mund të ishin parandaluar.

Hepatitet janë A, B, C, D dhe E. E përbashkëta e të gjitha infeksioneve të hepatitit është inflamacioni që shkaktojnë në mëlçi, deri në kancer.

Sa i takon Shqipërisë, raportet e fundit referojnë se hepatiti B është më i përhapur dhe ka një prevalencë prej 7% të popullsisë.

Ekspertët e shëndetësisë botërore thonë se për të arritur eliminimin e hepatitit deri në vitin 2030, infeksionet e reja të hepatitit B dhe C duhet të reduktohen me 40% globalisht.

Nëse nuk merren masa, parashikimet flasin për rritje me 55% të normave të kancerit në mëlçi në dy dekadat e ardhshme.

Për të reduktuar rrezikun e kancerit të mëlçisë, vaksinimi parandalon hepatitin B dhe diagnoza dhe trajtimi i hershëm luajnë një rol kryesor në frenimin e përparimit të hepatitit B dhe C.

LEXONI GJITHASHTU:

• Shkencëtarët amerikanë e lidhin shpërthimin e Hepatitit A me luleshtrydhet
• Mbi 900 raste me hepatit akut te fëmijët, sipas OBSH-së