Çdo 2 minuta një grua humbet jetën, gjatë dhe pas lindjes. Studimi i fundit i OBSH zbulon se  shkaqet kryesore të fatalitetet tek nënat janë hemorragjitë dhe çrregullimet e hipertensionit.

Ekspertët kanë vlerësuar se 27% e vdekjeve nënave ndodhën për shkak të hemorragjisë, kryesisht gjatë ose menjëherë pas lindjes, ndërsa 16% ishin të lidhura me preeklampsinë dhe çrregullime të tjera hipertensive.

Përveç shkaqeve të drejtpërdrejta obstetrike, studimi thekson se 23% e vdekjeve maternale lidhen me sëmundje të tjera, si HIV/AIDS, malaria, anemitë dhe diabeti, të cilat shpesh mbeten të pazbuluara ose të patrajtuara deri në shfaqjen e komplikimeve serioze.

OBSH ka theksuar se shumica e vdekjeve ndodhin në vendet me të ardhura të ulëta dhe të mesme, ku aksesimi i shërbimeve shëndetësore është i kufizuar.

Në përgjigje të këtyre sfidave, Asambleja Botërore e Shëndetësisë ka miratuar një Rezolutë globale për përmirësimin e kujdesit për nënat dhe foshnjat.

LEXONI GJITHASHTU:

• OBSH: Vdekjet nga kanceri i gjirit pritet të rriten me 68% deri në vitin 2050
• OBSH mbështet vendosjen e paralajmërimit për kancerin në shishet e alkoolit