OKB: 670 njerëz mund të jenë “varrosur” nga rrëshqitja e dheut në Papua Guinenë e Re

670 mendohet të jetë numri i viktimave në Papua Guinenë e Re, ku rreth 150 shtëpi u shembën nga rrëshqitjet masive të dheut. Zyrtarët bëjnë me dije që numri i viktimave mund të rritet.

Kreu i Organizatës Ndërkombëtare për Migracionin në Papua Guinenë e Re, Serhan Aktoprak, tha se ndikimi i rrëshqitjes së dheut të së premtes në provincën e izoluar Enga të vendit ishte më i madh sesa mendohej fillimisht.

Në zonën e goditur nga rrëshqitja e dheut jetojnë rreth 4000 njerëz. Ndërkohë të gjithë po bëjnë të pamundurën për të gjetur të mbijetuarit.

Aktoprak tha gjithashtu se grupet e shpëtimit ishin në rrezik sepse “toka ende po rrëshqet”.

Për shkak të situatës së krijuar shumë shtete si Australia kanë ofruar ndihmën e tyre për të ndihmuar vendin në këtë fatkeqësi.

LEXONI GJITHASHTU:

• Presidenti i Egjiptit pranon të lejojë ndihmën e OKB-së përmes kalimit kyç të Gazës
• Veprimet e Vuçiç në OKB, analisti: Largimi nga konferenca, gjesti më i ulët