Veprimet e Vuçiç në OKB, analisti: Largimi nga konferenca, gjesti më i ulët

Pasi OKB miratoi rezolutën për Srebrenicën, Vuçiç u largua në shenjë proteste duke mos qenë pjesë e konferencës së shtypit. Ai u largua me delegacionin e tij në mynyrë demonstrative i pakënaqur nga vendimi. I ftuar në Euronews Albania, analisti Beqir Sina e cilësoi sjelljen e Vuçiç të enjten në selinë e Organizatës së Kombeve të Bashkuara si të “ulët”.

“Vucic ka bërë sjelljen më të ulët që mund të bëhet në një konferencë të tillë. Dhe ajo që e ngarkon më tepër Vuçiç me përgjegjësi në miratimin e kësaj rezolute është se pas miratimit të rezolutës ishte përgatitur konferenca e shtypit që mbahet si zakoisht pas miratimit të çdo rezolute ku aktorët kryesorë të asamblesë të cilët marin pjesë aty, ambasadorët e tyre, ose përfaqsuesit e tyre dalin në konferencë shtypi. Duhet te ishte dhe Vuçiç. Ai me delegacionin e tij është laguar në mynyrë të menjëhershme dhe as nuk ka pranuar të jetë pjesë e mediave”, tha Sina.

Gjatë takimit ai u mbulua me flamurin serb dhe ngriti tre gishtat lart nje tjetër akt ky që u komentua negativisht.

LEXONI GJITHASHTU:

• Miratimi i rezolutës për gjenocidin në Srebrenicë, ja vendet që votuan kundër në OKB
• Me 84 vota pro, OKB miraton rezolutën për gjenocidin e Srebrenicës