OKB dënon sulmin izraelit në Bregun Perëndimor

Zyra e Kombeve të Bashkuara për të Drejtat e Njeriut (OHCHR) ka dënuar operacionet ushtarake izraelite në Bregun Perëndimor, duke kërkuar ndalimin e menjëhershëm të dhunës dhe zhvendosjes masive të palestinezëve.

Sipas raportit të OHCHR, që nga 21 janari 2025, forcat izraelite kanë vrarë të paktën 44 civilë palestinezë, shumica e të cilëve ishin të paarmatosur. Mes viktimave përfshihet një grua shtatzënë dhe një djalë 10-vjeçar, të vrarë në rrethana të dyshimta në qytetin Tulkarm.

OKB e cilëson përdorimin e forcës nga Izraeli si të paligjshëm, duke theksuar se në rajon “nuk ka konflikt aktiv”. Për më tepër, raporti nënvizon rritjen e zhvendosjes së detyruar të palestinezëve, duke e cilësuar atë si një shkelje të rëndë të ligjit ndërkombëtar dhe një krim të ndaluar.

OHCHR i ka bërë thirrje Izraelit të përmbushë detyrimet e tij ndërkombëtare, duke përfshirë tërheqjen e menjëhershme nga vendbanimet e paligjshme në Bregun Perëndimor dhe sigurimin e nevojave bazë për popullsinë palestineze. OKB gjithashtu ka kërkuar garantimin e të drejtave themelore të palestinezëve dhe kthimin e të zhvendosurve në shtëpitë e tyre.

LEXONI GJITHASHTU:

• OKB: Mbi 80 civilë u vranë në sulmin e grupit të armatosur CODECO në Kongo
• Elon Musk: SHBA-ja ndanë shumë parash për OKB-në dhe agjencitë e saj