Profesori në universitetin John Hopkins, Edward Joseph thotë se Kosova nuk merr pjesën në nismën rajonale Open Balkan, pasi ka çështje të hapura me Serbinë dhe ndihet e kërcënuar prej saj.
Në një intervistë për “Euronews Albania”, Joseph u shpreh se në të njëjtën situatë ndodhet edhe Bosnje Hercegovina me Malin e Zi.
Sipas tij, Serbia është vendi më autoritar në rajonin e Ballkanit.
“Pse ka speticizëm? Unë them se ka arsye të mira për këtë skepticizëm. E para është se i gjithë Ballkani i Hapur është mbi një teori që është e dyshimtë dhe vendet që do shkëmbejnë janë të paqta. Në Ballkan ke Serbinë që është jodemokratike dhe do kesh probleme. Shqipëria që merr pjesë, por edhe Maqedonia e Veriut nuk kanë pikërisht çështje të hapura politike me Serbinë. Por Bosnja Hercegovina, Kosova dhe Mali i Zi po.
Vendet që nuk kanë çështje të hapura, nuk kanë aspak problem të kenë marrëdhënie. Por ato të cilat kanë dhe ndjejnë kërcënime nga Serbia, si Bosnje Hercegovina, Mali i zi dhe Kosova, nuk duan të marrin pjesë në Ballkanin e Hapur dhe në pikëpamjen time kanë arsye të mirë”, theksoi ai.
LEXONI GJITHASHTU
