Operacion anti-drogë në Itali, arrestohen 7 shqiptarë, çfarë u sekuestrua 

Shtatë shqiptarë kanë rënë në prangat e policisë italiane me urdhër të prokurorisë e cila kishte kërkuar masën e sigurisë arrest me burg. Operacioni u krye në orët e para të mëngjesit të së martës në Firence dhe Prato në bashkëpunim të anti-mafias italiane dhe SPAK.

Arrestimi i shqiptarëve ka ardhur si rezultat i hetimeve të një operacioni të mëparshëm për trafik ndërkombëtar droge, të kryer me 5 Shkurt, ku u ekzekutuan 83 masa sigurie.  Policia ka kryer kontrolle edhe ndaj 18 të dyshuarve të tjerë

Si rezultat i këtij bashkëpunimit mes forcave policore shqiptare dhe italiane, u arrestuan 34 persona, 20 prej të cilëve qershorin e kaluar gjatë ekzekutimit të masave paraprake të kryera nga Policia Shqiptare, në atë territor, së bashku me oficerë të Borgo San Lorenzo.

Mediat e huaja, bëjnë me dije se u sekuestruan 39 kg kokainë, 55 kg hashash, 68 kg marihuanë, 34 kg heroinë, 4300 euro para në dorë, 5 kamionë dhe një furgon.

LEXONI GJITHASHTU: 

• Nëna e Navalnyt pret në acar përpara burgut: Putin të më kthejë trupin e djalit
• Shqiptarët nuk bëjnë pushime/ 51% e tyre s’kanë udhëtuar, shkak paratë dhe shëndeti