Operacion antidrogë në Gjirokastër, sekuestrohet kokainë e kanabis, 9 urdhër-arreste

Policia e Gjirokastrës ka zhvilluar gjatë natës një operacion të gjerë në disa pika të qytetit kundër trafikimit të lëndëve narkotike.

Objektivi i operacioni ka qenë një grup që kryen shpërndarjen e drogave kokainë dhe kanabis në qytet.

Sipas të dhënave nga policia, gjatë operacionit janë ekzekutuar 9 urdhër arreste. Policia nuk ka dhënë detaje për identitetin e të arrestuarave, por mësohet se janë persona nga mosha 30-deri në 50 vjeç.

Policia ka kontrolluar disa banesa në lagje të ndryshme të Gjirokastrës, si dhe ka sekuestruar një sasi të konsiderueshme kokaine dhe kanabis sativa.

Sipas informacioneve, hetimet për këtë grup trafikant kishin nisur prej disa muajsh dhe pjesë e operacionit kanë qenë dhe forcat speciale nga Tirana.

Policia bën me dije se hetimet po vijojnë për persona të tjerë që janë të përfshirë në trafikun e drogës.

LEXONI GJITHASHTU:

• Zjarr në një banesë në Gjirokastër, shkak bëhet masa elektrike e një aspiratori
• Pilotët italianë zgjojnë Gjirokastrën, aerodromi i qytetit, qendër e avioturizmit