Policia ka zbuluar dhe asgjësuar në një operacion një sasi prej 8602 bimë narkotike në Vaun e Dejës.

Përmes një njoftimi, Policia bën të ditur se parcela me kanabis ndodhej në mes të një zone të pyllëzuar dhe operacioni i kërkimit është zhvilluar nga ajri me helikopter.

Ndërkohë aktualisht asnjë person nuk është vënë në pranga për kanabisin e kultivuar.

Njoftimi i Policisë:

Vau i Dejës/Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike.

Kontrollet nga ajri u kryen në zona me terren shumë të vështirë, me mbështetjen e helikopterit të Forcave Ajrore të Ministrisë së Mbrojtjes.

Nga kontrollet intensive të territorit nga ajri dhe grupet e kontrollit nga toka në njësitë administarative Shllak dhe Temal u gjetën dhe u asgjësuan 8602 bimë kanabis.

Shërbimet e Komisariatit të Policisë Vau i Dejës, në bashkëpunim me Drejtorinë Vendore të Policisë Shkodër dhe shërbime të Forcës Kombëtare të Sigurisë, Njësia Shkodër. gjatë kontrollit të territorit, në njësitë administarative Shllak dhe Temal të Vaut të Dejës, gjetën dhe asgjësuan  8602 bimë kanabis.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.

Megaoperacioni “Territor i pastër” vijon.

LEXONI GJITHASHTU:

• Kultivoi kanabis në afërsi të banesës, arrestohet 42-vjeçari në Thumanë
• GJKKO jep vendimin për 2 grupe kriminale, mbështeteshin nga policë për kanabisin