“Opozita e Kosovës si Vuçiç”, deklarata e fortë e deputetit të Vetëvendosjes

Deputeti i Vetëvendosjes, Armend Muja komentoi në një intervistë për Euronews Albania nëse Albin Kurti është në kushtet kur mund të kërkojë një votëbesim pas krisjes së marrëdhënieve me SHBA-në.

Ai tha se opozita që ka bërë thirrjet për dorëheqjen e kryeministrit të Kosovës me pretendimin se nuk po e menaxhon si duhet situatën në Veri, janë po aq problem për vendin sa vetë Serbia.

“Këta ja kanë dhënë idenë dhe perceptimin Vuçiçit që në atë pjesë mund të bëhet çfarëdo. Nuk është ashtu. Këta kanë tentuar në një kohë që ta heqin zotin Kurti përmes shokëve të tyre, Radojçiçin dhe Listën Serbe, por nuk ju ka funksionuar se janë dënuar nga populli i Kosovës dhe aktualisht duhet ta kuptoni që zoti Kurti ka mbështetje të fuqishme në Kosovë dhe të gjithë janë pas tij sepse Kosova është në të drejtën e saj dhe ligji e rendi duhet të vlejë për të gjithë,” – u shpreh Muja.

LEXONI GJITHASHTU:

• Tensionet në Veri| Deputeti i LVV: Kurti të mos tërhiqet, Kosova të mos lëshojë pe
• A përçahet Vetëvendosja nëse Kurti pranon asociacionin? Analisti: Ekzistojnë falë…