Deputeti i Vetëvendosjes, Armend Muja foli në një intervistë për Euronews Albania rreth tensioneve në veri të Kosovës, duke theksuar se Kosova nuk mund të lëshojë pe nga parimet.

Ai u shpreh se nuk mundet që Kosova të veprojë për të kënaqur ambiciet e Vuçiç, por është e rëndësishme që të veprojë për të kënaqur ambiciet e gjeneratës së re që po rritet.

“Kosova dëshiron ligj, demokraci, sundim, drejtësi, kërkon zhvillim, kjo është agjenda. Ne kemi një pengesë, është e dukshme, por që duhet ta kuptojnë të gjithë që Kosova nuk mund të lëshojë pe në parimet e saj mbi ligjin dhe demokracinë,” – u shpreh Muja.

Ai theksoi se ato komuna janë pronë e Republikës së Kosovës dhe më herët u kanë shërbyer vetëm bandave të Vuçiçit, ndërkohë që sipas parimit multietnik, Muja tha se janë të interesuar t’i hapin ndaj gjithë qytetarëve sepse kanë obligime.

Në këto kushte deputeti u shpreh se nuk e rekomandon tërheqjen e Kurtit dhe nuk do të duhej të tërhiqej.

LEXONI GJITHASHTU:

• “Kosova s’është Serbi”- Presidenti kroat reagon për tensionet në Veri, apeli për BE
• Flamuri gjigant i Serbisë shpaloset në veri të Kosovës