Opozita në protestë/ Gazetari flet për “paktin” Noka-Bardhi: I lanë pas inatet…

Gazetari Bledar Koka ishte këtë të martë në Euronews Albania për të folur për protestën e opozitës e cila pritet të zhvillohet këtë pasdite përballë kryeministrisë.

Ndër të tjerat ai komentoi edhe mungesën e kreut të Partisë së Lirisë,  Ilir Meta, i cili nuk do të jetë i pranishëm në këtë protestë.

“Mua nuk më shqetëson prania e një apo dy liderëve në protestë, por pjesëmarrja qytetarëve. Këtu mund të diskutojmë. Mund të jetë zgjedhje taktike. Se po të ishte mund të thonin, po protestojnë për hallin e Berishës dhe Metës.

Mendoj se fokusi duhet mbajtur a i shërben kjo protestë opozitarizmit apo jo. Besoj se po. Gjithsesi përçarje nuk ka, Partia e Lirisë do jetë aty me strukturat dhe energjitë e veta. Kjo mund të jetë zgjedhje taktike, që zoti Meta mund ta  tregojë më mirë. A duhet të ishte, unë mendoj se po”,-tha Bledar Koka.

Gazetari foli edhe për marrëdhënien mes demokratëve Flamur Noka dhe Gazment Bardhi, të cilët sipas tij tashmë i kanë lënë mënjanë inatet personale dhe po organizojnë një protestë të ribashkuar për të udhëhequr opozitarizmin.

“Kur paqja arrihet mes atyre që e kanë bërë luftën gjërat mund të bëhen më mirë. Mua nuk më intereson nëse ata janë sharë me njëri-tjetrin, ata ndoshta shahen edhe sapo largohen nga njëri-tjetri, mua më intereson produkti që kanë ata. Unë mendoj se janë cilësor. Cilësia e parë e politikanit është të tejkalojë mllefe dhe inate personale.

Ata i kanë pasur inatet personale, Berisha e ka pasur personale me Gazment Bardhin, dhe anasjellta. Fakti që këta njerëz i kanë lënë mënjanë inatet personale, për atë që unë mendoj dhe janë të ngarkuar me votë për të udhëhequr opozitarizmin, mendoj se duhet vlerësuar”,-tha gazetari Koka.

LEXONI GJITHASHTU:

• Protesta e opozitës, “blindohet” Tirana: 1100 policë në terren, rrugët që bllokohen
• “Anti-amerikane”- Bejko: Unë shkoj në të gjitha protestat që bën opozita pa Berishën